* குறிப்பாக சொன்னால் இந்த மரத்தை நீங்கள் இப்போது நட்டு வளர்க்க ஆரம்பித்தால், அது உங்களுடைய எதிர்காலத்திற்கு மட்டுமில்லாமல் உங்கள் அடுத்த தலைமுறைக்கும் மிகப்பெரிய வருமானத்தை வழங்கும். ஆனால் இந்த மரத்தை வளர்ப்பதற்கு பல சட்ட சிக்கல்கள் இருக்குமே என்று யோசிக்கிறீங்களா? அப்படி நினைப்பவராக இருந்தால் அந்த எண்ணத்தை மாற்றி கொள்ளுங்கள்.
* செம்மரங்களை வளர்க்கும்போது, கிராம நிர்வாக அலுவலரிடம்சிட்டா அடங்கலில் செம்மரம் சாகுபடி செய்யப்பட்டுள்ளது என்று பதிவு செய்யவேண்டும். அதன்பிறகு செம்மரக்கட்டைகளை விற்பனை செய்யும் போது, மாவட்ட வன அதிகாரியிடம் (District forest officer) இந்த மரத்தை விற்பனை செய்வதற்கான அனுமதியை பெற ஒரு விண்ணப்பம் அளிக்க வேண்டும்.
செம்மரம் நடவு செய்வதற்கு ஏற்ற மண் :
* பொதுவாக செம்மரம் செம்புறைக்கல்(Laterite Soil) என்று சொல்லும் மண்ணில் வளர்ந்தால் மட்டுமே சிவப்பு நிறத்துடன் கூடிய செம்மரம் கிடைக்கும்.* இந்த மரத்தை செம்மண், கல் கலந்த மண், செம்மண் கலந்த மண்ணில் வளர்க்கபடும் போது மட்டுமே நல்ல திடமான கட்டை கிடைக்கும். விவசாயிகள் இந்த மரத்தை நடவு செய்வதற்கு முன்பு மண் பரிசோதனை செய்து கொள்வது சிறந்தது.
நடவு செய்யும் முறை :
* முதல் பருவ மழைக்கு முன்பாக சுமார் 3 அடி குழி எடுத்துக் கொண்டு, இரண்டாவது மழைக்கு முன்பாக நடவு செய்திட வேண்டும். அதிக நீர் தேவை இருக்காது. மண்ணில் ஈரப்பதம் இருக்கும் அளவு பார்த்துக் கொண்டால் போதுமானது. இரண்டு மாதம் வரை பராமரிப்பு செய்ய வேண்டும்.* 8 அடிக்கு 8 அடி இடைவெளியில் ஒரு நாற்று நடவு செய்யலாம். சுமார் 800 நாற்றுகள் 1 ஏக்கருக்கு தேவைப்படும். நாற்றுகளை நட்டவுடன், காடுகளை சுற்றி பாதுகாப்பு வேலி அமைக்க வேண்டும். இதனை நிலப்பரப்பு முழுவதும் வளர்க்க விரும்பாதவர்கள், வரப்பு பயிராகவும் வளர்க்கலாம்.
கருத்துகள் இல்லை