மிதியடி தயாரிப்பு முறை

வீட்டுக்கு வீடு வாசல் படி உள்ளது போல, நம் அனைவரின் வீட்டு வாசலிலும் கால் மிதியடிகள் இருக்கும். அதனால் அதன் பயன்பாடு மற்றும் தேவைகள் எப்போதும் அதிகமாகவே இருக்குகின்றன. வாசல்படி உள்ள வீடுகள் எல்லாவற்றுக்கும் தேவைப்படுகிற அத்தியாவசியமான ஒன்று மிதியடி. நாம் வீட்டில் இருந்தபடியே இதனை தயார் செய்யலாம். இவ்வாறாக தயாரித்து விற்பனை செய்வதன் மூலம் நாம் அதிக லாபம் பெறலாம்.

தேவையான பொருட்கள் :

* நெசவு இயந்திரம்

* பாவு நூல்

* வேஸ்ட் பனியன் துணி

தயாரிக்கும் முறைகள் :

* இதற்கு 10 க்கு 10 அடி இடம் இருந்தால் போதுமானது. ஒரு நாளைக்கு 50 கால்மிதியடி வரை தயார் செய்யலாம்.

* முதலில் பனியன் துணியை எடுத்துக் கொண்டு பாவு நூல் இடையில் வைத்து நெசவு செய்ய வேண்டும்.

* மேலும் பனியன் துணி எவ்வளவு நீளமாக இருந்தாலும் அதனை நாம் பாவு நூல் இருக்கும் அளவு வரை மடக்கி தொடர்ச்சியாகவே நெசவு செய்யலாம்.

* பிறகு நமக்கு தேவையான அளவு நெசவு செய்த பின் அதனை தனி தனி மிதியடிகளாக கட்டிங் செய்து கொள்ளலாம்.

விற்பனை செய்யும் முறைகள் :

* தயாரித்த மிதியடிகளை மொத்தமாகவும் மற்றும் சில்லரையாகவும் அருகில் உள்ள கடைகள் மற்றும் சூப்பர் மார்கெட் போன்ற இடங்களிலும் விற்பனை செய்யலாம். இந்த மிஷின் வாங்கும் இடத்திலே தேவையான வேஸ்ட் பனியன், பாவு நூல் ஆகியவற்றை சப்ளையும் செய்கிறார்கள். அவர்களிடமே நாம் தயாரித்த மிதியடிகளை விற்பனை செய்யலாம்.