தேவையானவை:
* வான்கோழி முட்டை* இயந்திரம்
செயல் முறை :
* புதிதாக வான்கோழி வளர்க்க நினைப்பவர்கள், 200 முதல் 250 சதுர அடி இடத்தில் 100 குஞ்சுகளுடன் வளர்க்கத் தொடங்கலாம்.* தோப்புகள் விவசாய நிலங்கள், தரிசு நிலங்கள், மலர்த்தோட்டம், பழத்தோட்டம், தென்னந் தோப்புகள் இவைகளில் வான்கோழி வளர்க்கலாம்.
* வான்கோழிகள் பெரும்பாலும் சுயமாக முட்டைகளை அடைகாப்பது இல்லை. அடைகாக்கும் இயந்திரத்தின் மூலம் அல்லது நாட்டுக் கோழிகளைக் கொண்டு அடைகாக்கப்படுகிறது.
* முட்டைகளை மழை, பனிக்காலத்தில் 7 நாள் வரையிலும், காற்று இளவேனிற் காலத்தில் 6 நாள் வரையிலும், வெயில் காலத்தில் 4 நாள் வரையிலும் சேமித்துவைத்துப் பின் அடை வைக்க பயன்படுத்த வேண்டும்.
* வான்கோழி வளர்ப்பில் மிக முக்கியமான காலகட்டம் ஒரு மாதம் வரை வளர்ப்பதாகும். பொரித்த குஞ்சுகளை முடி உலர்ந்த பின் செயற்கை வெப்பமாக புரூடர் அமைத்து புரதம் நிறைந்த தீவன உணவு கொடுக்க வேண்டும்.
* குளுக்கோஸ் கலந்த குடிநீரை வைக்க வேண்டும். வறுகடலை தூள் செய்து உணவாக கொடுக்கலாம். அவித்த முட்டையின் வெண்கரு மட்டும் எல்லாவகை தானியங்களுடன் கலந்து கொடுக்கலாம். இதற்கென்று பிரத்யேகமாக குஞ்சு தீவனங்கள் தயாரிப்பாளர்கள் உண்டு.
* 20 நாளைக்கு பின் பசுந்தீவனங்களைக் கொடுக்க ஆரம்பிக்க வேண்டும். வான்கோழி குஞ்சு வளரும் பருவத்தில் பசுமையான இலைகளை விரும்பி உண்ண ஆரம்பிக்கும்.
* மழைக்காலங்களில் தேங்கிய மழைநீர் மண் படிந்த இலைகளைக் கொடுக்கக்கூடாது.குடிநீரினை நிழலான இடங்களில் வைக்க வேண்டும். வெயில் பட்டு குடிநீர் சூடாவதை தவிர்க்க வேண்டும்.
* ஒரு வளர்ந்த வான்கோழிக்கு 5 சதுர அடி இடம் என்ற வகையில் கொட்டகை அமைத்து வளர்க்கலாம்.
முட்டையிடும் பருவம்:
* வான்கோழிகள் 7-8 மாதங்களில் முட்டை இட ஆரம்பிக்கும். 36 மணி நேரத்திற்கு ஒரு முறைதான் முட்டை வைக்கும். அதனை வைத்து தொழிலை வளர்ச்சி நிலைக்கு கொண்டு செல்லலாம்.நோய்கள் :
* வான்கோழிகளை அம்மை மற்றும் சளி ஆகிய நோய்கள் அதிகமாகத் தாக்கும்.* இதற்கு மருந்தாக சீரகம், மிளகு, வெந்தயம், மஞ்சள் தூள், கசகசா, கடுகு போன்றவற்றில் தலா 2 ஸ்பூன்கள், பூண்டு-5 , வெங்காயம்-4 ஆகியவற்றை லேசாகத் தண்ணீர் விட்டு அரைத்து, வாரம் ஒருமுறை தண்ணீரில் கலந்து கொடுத்து வந்தால், இந்த நோய்கள் தாக்காது.
* மாதம் ஒரு முறை 20 லிட்டர் தண்ணீரில் 200 கிராம் மஞ்சள் தூளைக் கலந்து, அதில் வான்கோழிகளின் தலை தவிர்த்து, மீதி உடலை முக்கி எடுக்க வேண்டும். இவ்வாறு செய்தால் வான்கோழிகளுக்கு, தோல் நோய்கள் வராது.
கருத்துகள் இல்லை