சோற்று கற்றாழை சாகுபடி முறை

சோற்று கற்றாழை எல்லா இடங்களிலும் மிக எளிதாக வளரும் தாவரம். இதன் தேவை அழகு சாதன பொருட்கள் முதல் ஆரோக்கியம் வரை அதிகரித்து கொண்டு தான் இருக்கிறது. இதனை இயற்கையான முறையில் சாகுபடி செய்தால் நிறைவான இலாபம் அடையலாம்.

தேவையானவை :

* கற்றாழை இரகம்

* நிலம்

* நீர் பாசனம்

* கார்பன்டாசில் கரைசல்

* உரம்

சாகுபடி செய்யும் முறை :

* கற்றாழையில் குர்வா, கேப் மற்றும் சாகோட்டின் என மூன்று இரகங்கள் உள்ளன. இவைகளில் குர்வா இரக கற்றாழையை இந்தியாவில் அதிகமாக பயிர் செய்ய ஏற்றது.

* இதனை எல்லா காலத்திலும் பயிரிடலாம். ஆனால் செப்டம்பர் மற்றும் அக்டோபர் மாதம் பயிரிட உகந்த காலமாகும்.

* கற்றாழை மணல் தவிர அனைத்து மண் வகைகளிலும் நன்றாக வளரும். மண்ணில் கார அமிலத்தன்மை 7 முதல் 8.5 இருக்குமெனில் நன்கு வளரும்.

* முதலில் நிலத்தை இரண்டு அல்லது மூன்று முறை உழுவ வேண்டும். பின்னர் ஒரு ஏக்கருக்கு 10 டன் தொழு உரமிட்டு சமன் செய்து கொள்ள வேண்டும். பிறகு பாத்திகளை சிறியதாக அமைக்க வேண்டும்.

* ஒரு ஏக்கருக்கு 10,000 கன்றுகள் தேவைப்படும். தாய் செடியில் இருந்து ஒரே அளவுடைய ஒன்று அல்லது இரண்டு மாதம் வயதுடைய கன்றுகளை பிரித்து நடவுக்கு பயன்படுத்த வேண்டும்.

* இப்போது பிரித்தெடுத்த கன்றுகளிலுள்ள வேரை கார்பன்டாசில் கரைசலில் 5 நிமிடம் நனைக்கவும். இப்படி செய்வதினால் வேர் அழுகல் நோய் வராமல் பாதுகாக்கும்.

* செடிகள் செழிப்பாக வளர மூன்று அடி இடைவெளியிட்டு செடிகளை நட வேண்டும்.கற்றாழைக்கு அதிகமாக நீர்பாசனம் தேவைப்படாது அதனால் அதிகமாக பயிரிடுவது நல்லது.

* செடிகளை நட்ட 20-ம் நாளில் வளமான நிலத்திற்க்கு தொழு உரம் மட்டும் இட்டால் போதும். தரிசு மற்றும் வளமில்லாத நிலத்திற்க்கு தாழைச்சத்தை 120 கிலோவிற்க்கு அடியுயரமாக இட வேண்டும். இப்படி செய்தால் மகசூல் அதிகரிக்கும்.

* இந்த செடியை பூச்சிகள் மற்றும் நோய்கள் அதிகமாக தாக்குவதில்லை.

* நடவு நட்ட காலத்தில் இருந்து 7-8 மாதங்களில் அறுவடை செய்யலாம். இதில் நீர்ச்சத்து 80-90% இருப்பதால் தேவைக்கேற்ப அறுவடை செய்வது நல்லது.

விற்பனை செய்யும் முறை :

* இதை அறுவடை செய்தவுடன், அருகிலுள்ள சந்தைகளுக்கு அல்லது சித்த வைத்திய சாலைகளுக்கு மொத்தமாகவும் அல்லது சில்லறையாகவும் விற்பனை செய்து அதிக இலாபம் அடையலாம்.