தேவையான பொருட்கள் :
* கெட்டியானபால் - 1/4 கப்* பால்பவுடர் - 1/2 கப்
* தண்ணீர் - 3/4 கப்
* வெண்ணிலா எஸன்ஸ் - சிறிதளவு
செய்முறை :
* கெட்டியான பாலினுள் 1/4 கப் தண்ணீர் விட்டு, வெண்ணிலா எஸன்ஸ் சேர்த்து நன்றாக கரைத்துக் கொள்ளவும். பால்பவுடரை மீதம் உள்ள தண்ணீரில் கட்டி இல்லாமல் கரைக்கவும். தயார் செய்த இரண்டையும் தனித்தனியாக ஃபிரீஸரினுள் 1/2 மணி நேரம் வைத்து எடுக்கவும்.* ஒரு பெரிய பாத்திரத்தில் ஐஸ் தண்ணீர் நிரப்பி அதனுள் பால்பவுடர் கரைசல் உள்ள பாத்திரத்தை வைத்து, பீட்டர் அல்லது கரண்டியால் நன்கு நுரை பொங்க அடிக்க வேண்டும். பின்னர் இதை கெட்டியான பால் கரைசலினுள் சேர்த்து மெதுவாக கலக்கவும். (குறிப்பு : இப்போது பீட்டர் அல்லது கரண்டியால் அடிக்க வேண்டாம்.)
* பின்னர் ஒரு அகலமான பாத்திரத்தில் கலவையை ஊற்றி ஃபிரீஸரில் ஒன்று அல்லது ஒன்றரை மணி நேரம் வைத்து எடுக்கவும்.
* இப்போது மீண்டும் பீட்டரால் அல்லது கரண்டியால் நுரை பொங்க அடிக்க வேண்டும். அதனை மீண்டும் ஃபிரீஸரில் வைத்து இறுகவிடவும்.
* நன்கு இறுகி ஐஸ்கிரீம் கெட்டியானவுடன் வெளியில் எடுத்து அதில் பொடித்த முந்திரி, பாதாம் போன்றவற்றை தூவி டப்பாக்களில் அடைத்தால் விற்பனைக்கு தயாராகி விடும்.
கருத்துகள் இல்லை